اسلام آباد(سہ پہر) اسلام آباد پولیس کے زیر اہتمام فرینڈز آف پولیس پروگرام کے تحت وفاقی دارلحکومت کی مختلف یونیورسٹیز کے طلباءنے پروگرام مکمل کر لیا

ازدفتر افسر تعلقات عامہ
اسلام آباد پولیس
*******
پریس ریلیز
اسلام آباد پولیس کے زیر اہتمام فرینڈز آف پولیس پروگرام کے تحت وفاقی دارلحکومت کی مختلف یونیورسٹیز کے طلباءنے پروگرام مکمل کر لیا،ہمارے لئے آپ کی ٹریننگ مکمل کرنا ایک اہمیت کا حامل ہے،میرے لئے سب سے اہم اسکول کالجز تک جانا اور بہتر معاشرے کے لئے طلباءکی ذہن سازی کرناہے،چیف ٹریفک آفیسر محمد سرفراز ورک

تفصیلات کے مطابق انسپکٹر جنرل آف پولیس اسلام آباد سید علی ناصر رضوی کے خصوصی احکامات کی روشنی میں اسلام آباد پولیس نے شہریوں کوٹریفک قوانین اور روڈ سیفٹی کے متعلق آگاہی فراہم کرنے کیلئے خصوصی فرینڈآف پولیس انٹرن شپ پروگرام کا آغاز کررکھا ہے اس سلسلے میں اسلام آبادپولیس کی جانب سے جاری پروگرام شہید ڈولفقار علی بھٹویونیورسٹی آ ف سائنس اینڈ ٹیکنالوجی (SZABIST)،اقراءیونیورسٹی اور کیپیٹل یونیورسٹی آف سائنس اینڈ ٹیکنالوجی کے طلباءنے مکمل کر لیا ،اس سلسلے میں ٹریفک پولیس لائنز ہیڈکوارٹرز فیض آبادمیں ایک پروقار تقریب کا انعقاد کیا گیا،چیف ٹریفک آفیسر محمد سرفراز ورک نے تقریب میں بطور مہمان خصوصی شرکت کی، اس موقع پر یونیورسٹیزکے طلباءاور اسلام آباد پولیس ایجوکیشن ٹیم کے ممبران شامل تھے،چیف ٹریفک آفیسر محمد سرفراز ورک نے کہا کہ ہمارے لئے آپ کی ٹریننگ مکمل کرنا ایک اہمیت کا حامل ہے،میرے لئے سب سے اہم اسکول کالجز تک جانا اور بہتر معاشرے کے لئے طلباءکی ذہن سازی کرناہے،پولیس کے لئے عوامی رائے بدلنا انتہائی مشکل عمل ہے،ہم اپنے پراسیس اور سروسز عوام کے سامنے رکھ رہے ہیں تاکہ عوام کو پتہ چلے پولیس کیا ہے،میں بلند و بالا دعوﺅں پر یقین نہیں رکھتا بلکہ عملی طور پر7 /24 کام کررہے ہیں،انہوں نے مزید کہاکہ عوام کی خدمت کرنے والے اللہ کی طرف سے منتخب ہوتے ہیں،مشکل وقت میں سب سے پہلا ردعمل دینے والا محکمہ پولیس ہے،بدلتے دور کے ساتھ پولیس کوںعصر حاضر کے تقاضوں سے ہم آہنگ کررہے ہیں،اسلام آباد پولیس 63 شہداءکے خون کی وارث ہے،وردی کسی بھی رنگ کی ہو ہمارا عہد ایک ہی ہے،ہم نے آپ سے وہ تعلق بنایا ہے جو دائمی ہے،پولیس کلچر مثبت عناصر پر مشتمل ہے اس سے منفی عنصر کو ختم کرنا ہے،انہوں نے مزید کہا کہ والنٹیر ان پولیس اور فرینڈز آف پولیس کا کردار ایک ہی ہے جس میں جرائم کی بیخ کنی میں عوامی اطلاع سب سے اہم ہے،آئیں ہمارا حصہ بنیں اور مل کر عوامی خدمت کریں ،تقریب کے اختتام پر انہوں نے کہا کہ اسلام آباد پولیس مستقبل میں بھی اس طرح کے پروگرام کا انعقاد جاری رکھے گی۔